Новата алатка на Microsoft – PowerApps ќе им овозможи на оние кои не знаат да програмираат да креираат бизнис апликации. Идејата на Microsoft е да се надминат проблемите со недостаток на девелопери, и да се олесни транзицијата од десктоп кон мобилните апликации. Дополнително платформата ќе овозможува искористување на податоците кои ги складираат компаниите на Office 365, Salesforce, OneDrive или Dropbox.
Сервисот овозможува брзо и едноставно креирање на апликации, со избор од повеќе шаблони, и искуство како Office на кој корисниците веќе се навикнати. Сервисот треба да надмине и еден помал проблем, односно вака креираните апликации можат да се споделат на имејл што ќе го олесни нивното распределување до вработените. Апликациите ќе можат да се користат преку PowerApps на iOS, Android и Windows Phone.
Платформата во моментов е во тест период и нема најави за цената, иако нема да биде изненадување и доколку постои бесплатна функционалност.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
