Google стартува ново искуство кое ќе им овозможи на сите да присуствуваат на концерти во реномирани сали како Carnegie Hall, Berliner Philharmoniker, Royal Shakespeare Company или Theatro Municipal. Станува збор за Performing Arts, нов проект кој овозможува присуство на самата сцена и разгледување преку 360-видео.
Сервисот е дел од Google Cultural Institute, и како и останатите 360 видеа гледачот може со глувчето да разгледа наоколу. Она што е надградба во однос на најголем дел од овие видеа е што овде има повеќе камери кој корисникот може да ги менува, а со тоа има и подобар преглед. Засега сервисот не овозможува пристап на концерти во живо, но во иднина ова без сомневање ќе може да го видиме.
