Facebook го отвора дизајнот на својот AI хардвер и со тоа овозможува на секој кој е заинтересиран, да креира сопствена друштвена мрежа со помош на вештачка интелигенција.
Новиот хардвер е наречен BigSur е дизајниран за Open Compute Project и доаѓа со 8 графички процесори кои при полн товар трошат по 300W електрична енергија. BigSur е двапати побрз од неговиот претходник, а тоа значи дека може да тренира двапати побрзо и да истражува двапати поголеми мрежи. Ова на социјалната мрежа и овозможи да ја зголеми мрежата и брзината за два пати, објаснуваат инжинерите на Facebook.
За негова инсталација е потребен единствено шрафцигер и е типичен пример за отстранување на сите непотребни елементи. Ова не се однесува само на надворешноста, Facebook ги отстрани сите компоненти кои може да се расипат, а хардверот како матична плоча или хард-диск може да се замени за неколку минути.
Неодамна и Google го отвори TensorFlow за јавноста, а и Microsoft го отвори Distributed Machine Learning Toolkit. Со ова корисниците ќе можат самите да користат вештачка интелигенција за свои потреби, а големиот број на креатори ќе значи и побрз развој.
