Веќе од 7.јули, претплатниците на Netflix можат да се втурнат во оригинални ТВ авантури од универзумот на Castlevania. Дека креаторот на телевизиското шоу, Ади Шанкар, е исклучително зафатен зборува и фактот дека човекот потпишал договор и работи на ново аниме шоу, овој пат сместено во Assassin’s Creed универзумот.
„Среќен сум да ве известам дека го избрав мојот нареден проект! Ја играв првата Assassin’s Creed годината кога се преселив во Лос Анџелес и во тој момент не знаев никого во индустријата и не ни можев да замислам дека еден ден Ubisoft ќе ме прашаат да го земам светот на Assassin’s Creed и да создадам оригинална приказна во форма на аниме серијал.“
„Ако некој ви каже да не ја следите вашата пасија во животот, знајте дека не се во право“, вели Шанкар
За тоа дека се работи на Assassin’s Creed телевизиско шоу знаевме уште од март, кога главното лице за Assassin’s Creed, Ајмар Азајза, го потврди таквото нешто, но не знаевме каква форма ќе заземе таквото ветување. С ѐ уште не е познат датумот на излегување, кој ќе биде протагонистот и опфатениот временски период, но ако Шанкар успее да направи нешто слично на Castlevania, ние би биле повеќе од задоволни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
