Samsung закупи цела страница во печатен медиум во САД за да им се извини на корисниците за проблемите со Note 7 телефонот. Компанијата поради проблеми со батеријата мораше да го повлече уредот иако беше најавуван како најдобриот Android фаблет.
„Ќе го преразгледаме секој аспект на уредот, целиот хардвер, софтвер, производството и структурата на батеријата. Ќе го направиме ова најбрзо што можеме, но ќе биде потребно време за да ги дознаеме вистинските причини за проблемите.“
Full-page apology ads are the future of print media: pic.twitter.com/fBAZ9uXFmD
— Rurik Bradbury (@RurikBradbury) November 7, 2016
Чекор понатаму отидоа дел од директорите на компанијата кои клекнаа пред кинските дилери и побараа прочка. За жал, иако ова признавање на грешката на некој може да му изгледа и симпатично, најголем дел од присутните сметаат дека сепак станува збор за претерување и преголема ароганција од директорите.
За волја на вистината однесувањето на компанијата овојпат беше беспрекорно. По првите вести за експлозиите на телефоните, Samsung најави дека ќе ги промени уредите. Речиси штом дознаа дека има проблем и со новите уреди во целост го повлекоа телефонот.
Пострашно компанијата сега има проблем со повеќе уреди кои експлодираат. Samsung во моментов најверојатно е најзагрижена за машините за перење, но има вести и за експлозии на Samsung Galaxy J.
Во меѓувреме Wall Street Journal јавува дека канцелариите на Samsung во Кореја се претресени од полицијата поради сомневање за корупција. Компанијата се сомничи дека префрлила 3.1 милиони долари на компанијата на ќерката на Чои Сун-сил, кој е близок пријател на премиерката на Јужна Кореа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] е предизвикувач на проблемите кои ги имаше Samsung Galaxy Note 7. Ова го тврди извор од Samsung за Reuters, а официјално […]