Samsung на 20-ти јуни ќе претстави Windows Phone телефони

Samsung најави настан за 20-ти јуни на кој ќе престави Windows Phone паметни телефони кои ќе бидат под брендот Ativ. На настанот Samsung Premiere 2013 најверојатно ќе бидат претставeни и Windows 8 и Windows RT таблет компјутери, лаптопи и слични хибридни уреди. Има и гласини дека ќе биде преставен помал Samsung Galaxy S4, како обид на Samsung да го претрка помалиот и поефтиниот iPhone, но, претпоставуваме дека настанот е резервиран за Windows уредите.

Тоа што е интересно за настанот, е што е само една недела по Apple WWDC конференцијата за програмери на кој се очекува да биде преставен iOS 7 со редизајниран flat интерфејс. Во истиот период од само неколку дена ќе се оддржи и Microsoft BUILD конференцијата на која ќе биде претставена надоградбата Windows Blue.