Samsung ја надмина Nokia која доминираше со мобилниот пазар, вели iSupply во својата анализа.
Samsung произведе 93,5 милиони телефони во првиот квартал, 36 отсто повеќе од минатата година, а Nokia „само“ 82,7 милиони. Најголемиот успех на Samsung се секако Galaxy паметните телефони кои работат на Android. Се проценува дека компанијата испорачала 44 милиони паметни телефони што ја прави најголем производител и на тој пазар.
Но, дали корејскиот Samsung ќе остане на врвот уште до крајот на годината? Nokia владееше цели 14 години, но финскиот гигант забележа пад откако започна ерата на паметни телефони. iPhone и Android беа далеку супериорни за Symbian, па Nokia мораше да започне соработка со Microsoft, друг гигант кој беше збунет што да прави со својата мобилна платформа.
Сега и двете компании, Microsoft и Nokia се надевеаат дека во до крајот на годинава ќе успеат да испорачаат квалитетни паметни телефони кои ќе работат на комплетно редизајнираната Windows Phone платформа. До сега Nokia успeа да продаде 2 милиони WP уреди во првиот квартал. Вкупно имаат испрачано 11,9 милиони паметни телефони.
Samsung одигра одлично во последнава година и стана лидер. Сега е ред на Nokia да покаже дали ќе изгуби од вредноста или ќе успеа да се врати како сериозен играч.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
