Samsung претстави нов 4,7-инчен Android телефон, Galaxy Win. Телефонот е наменет за корисниците кои имаат потреба од процесирање и мултитаскинг, но и компактен дизајн, вели Samsung. Иако од најавата би можеле да помислиме дека станува збор за телефон од висока класа, со исклучок на процесорот, инсталираниот хардвер сепак е поблиску до средната класа. Galaxy Win ќе доаѓа со 1,2 GHz четири-јадрен процесор, 1 GB RAM меморија и 8 GB внатрешна меморија, која ќе се надополнува со 32 GB microSD картичка.
Екранот на телефонот е WVGA (480×800), а има 5 MP задна камера, за предната канера засега нема податоци. Батеријата е Li-ion, 2000 mAh. Win има GPS, Wi-Fi и Bluetooth 3.0 конективност, а од сензорите доаѓа со брзинометар, дигитален компас и сензор за близина. Една варијанта на телефонот ќе подржува и dual-SIM. Galaxy Win ќе доаѓа во две бои „Ceramic White“ и „Titan Gray“. Компанијата гарантира дека сите апликации кои функционираат на Galaxy SIII ќе работат и на новиот Galaxy Win, од апликациите се најавени: Samsung Kies/Samsung Kies Air, Samsung TouchWiz Game Hub / Readers Hub, Samsung ChatON Easy Mode, Smart Alert, Motion UX, a од апликациите на Google: Google Search, Google Maps, Gmail, Google Play, Google Plus, YouTube, Google Places и Google Navigation (Turn-by-turn Navi.).
Иако првично се шпекулираше дека телефонот ќе биде достапен единствено на кинескиот пазар, Samsung демантитра и вели дека ќе биде достапен глобално, но засега нема најави за датата на излегување или за цената на GALAXY Win.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
