Samsung на CES 2014 најави дека најновата петта верзија на Galaxy паметните телефони ќе се појави во април, и, за да бидат подобри од Apple и iPhone 5S сензорот за читање на отисо ци, можно е да има сензор за скенирање на очите со кој ќе се отклучува телефонот.
Се уште нема детали за цената или спецификациите на Galaxy S5, ниту пак со сигурност се знае дека ќе има сензор за скенирање на ирисот, но Samsung вели дека работат на можноста да го вградат во S5 бидејќи ќе биде популарен кај кориснциите. Galaxy S5 ќе биде објавен заедно со нова верзија на паметниот часовник Galaxy Gear, и можно е да бидат продавани заедно. И двата уреди ќе имаат нов дизајн.
Најавата за нови Galaxy уреди доаѓа само неколку дена по објавата дека јужно-корејскиот гигант, и најголем продавач на паметни телефони, забележа прво опаѓање на профитот од 2011-та година.
