Од денес започна продажбата на Samsung Galaxy S III во 28 земји, а најавено е дека до јули ќе се појави во вкупно 145 земји продаван од 296 оператори.
Деветте милиони нарачки на уредот ни кажуваат дека корисниците се нестрпливи за овaa новa генерација на Galaxy уреди кои полека стануваат најголемиот конкурент на Apple iPhone. Samsung до сега успеа да продаде околу 40 милиони паметни телефони, со што стана најголемиот произведувач на телефони ширум светот.
Но, битката за најдобриот паметен телефон нема да биде освоена со хардвер. Galaxy S III е Android телефон и ваков популарен уред може да ги мотивира програмерите да креираат солидни и квалитетни апликации за оваа платформа. Аndroid заостанува зад iOS на Apple со квалитетот и ексклузивитетот на апликациите. Сите популарни апликации првин објавуваат своја iOS верзија, па потоа размислуваат за Android.
Samsung Galaxy S III работи на 1,4 GHz quad-core Exynos, HD Super AMOLED екран, 8-мегапиксели камера со подобрен софтвер кој овозможува тагирање на лица според контакти и го намалува тресењето на раката. Има и S Voice што е гласовна интеракција за активирање на телефонот, контролирање на музичкиот плеер или фотографирање, налик на Siri за iPhone 4S.
[youtube]on1VgsO-LC8[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
