Постојат многу PC гејмери кои никогаш не ја имаат проверено конзолата на Microsoft. Но, со оглед на тоа што Xbox Series S и X се исклучително квалитетни конзоли, уште повеќе поради феноменална Xbox Game Pass услуга, голем дел од таквите гејмери конечно размислуваат дали да купат S или поскапата алтернатива X. Во случај и вие да размислувате на овој потег, ова се прашањата кои сигурно сте си ги поставиле.
Колку се јаки Series S и X?
Ако разговараме само во поглед на графичката карта, во Series S има графичка карта која најблиску доаѓа до GeForce GTX 1060 3 GB, додека во Series X графичката е посилна од RTX 2080 Super. Кога ќе ги споредите конзолите, тогаш X е значително помоќно животно, но S никако не е за потценување, затоа што, потпомогнат од брзиот SSD и уникатните оптимизации, вчитувањето на игрите е екстра брзо, а многу наслови без проблем можат да се играат со 60FPS, па дури и 120FPS.
Сите оние што сакаат да ги искусат најновите игри во цела 4К слава и со значително подобра графика и овозможен Raytracing би оделе со поголемиот брат. Series X е одлична и, пред се, запрепастувачки моќна конзола, која ретко кого ќе разочара.
Може ли да се купат Series S и X во Македонија, и по која цена?
Со месеци и месеци, Series S се продава во Анхоч, односно Техномаркет, но по значително повисока цена од препорачаната, вадејќи се првенствено на трошоци поврзани со дистрибуција и гаранција. Поради тоа, наместо препорачаната цена од 17000 денари, тие ја продаваат конзолата по 22000 денари. Но, преку бројни огласи, може да се најде Series S и за 19000 денари, па дури и за илјадарка поевтино.
Што се однесува за Series X, оваа конзола и понатаму исклучително тешко се наоѓа во Македонија, а кога ќе се најде на најразлични огласи, обично цената е значително повисока и никој не ја продава под 750 евра, иако препорачаната цена ѝ е 500 евра.
Има ли некакви рестрикции во Македонија при користење на конзолата Xbox One, Series S или X?
Да. И не. Имено, откако ќе создадете акаунт, а ви препорачуваме да создадете US акаунт, можете да ги внесете податоците во вашата картичка и без проблем да купувате најразлични игри или да се претплатувате на бројни услуги.
Добро е тоа што, не мора да купувате од трети сајтови ваучери, па да ги активирате во акаунтот, туку се си купувате директно.
Доколку се претплатите на Game Pass Ultimate, можете да ги преземате и играте сите игри кои се дел од огромниот каталог, но нема да можете да играте преку облак. Cloud Gaming е единствената работа која нема да можете да ја користите во Македонија, што доколку нас не прашувате, не е никаков проблем, со оглед на тоа дека се бара исклучително добар интернет.
Дали да се претплатите на Game Pass Ultimate и од каде?
Да, но не директно од конзолата. За 15 долари месечно, Game Pass Ultimate нуди неверојатна вредност. Ви дава да играте стотици и стотици квалитетни игри, како и бројни други предности, како бесплатни игри, дополнителни попусти, мрежно играње и многу повеќе. Но, три месеци е 45 долари, а има бројни сајтови како Gamivo, кои ви продаваат код за околу 25 долари, што, ќе се сложите е значително поевтино. Исто така, Microsoft ви дозволува да ја проверите услугата еден месец бесплатно, така да немате потреба од брзање.
![Microsoft Xbox Game Pass Ultimate 3 Month Membership [Digital] QHX-00002 - Best Buy](https://pisces.bbystatic.com/image2/BestBuy_US/images/products/6359/6359375_sd.jpg)
Дали и што да купите?
Xbox One го препорачуваме само доколку го најдете за исклучително ниска цена и за вашите дечиња. Доколку веќе земате нешто, Xbox One тргнете го веднаш од радарот – конзолата е стара, спора и тешко се справува со поновите наслови. Е, кога тоа го тргнавме од патот, време е да размислите дали да одите со Series S или X. Верувајте дека апсолутно нема да погрешите која и да купите од овие две конзоли. Како за почеток и вовед во гејминг преку конзоли, S e шампион и, со Game Pass, нуди феноменална вредност. Повеќето игри предат и одлично изгледаат!
Но, доколку сте за 4К гејминг со активирани напредни графички детали, кога веќе давате пари, навистина вреди да додадете уште некој денар и да земете Series X. Разликата е огромна! Само уште да се најде некаде каде што не e болно скапо.
Што ако имам уште прашања?
Пишете нѝ во коментарите и со задоволство ќе ви одговориме! :)
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Pozdtav momci ne se razbiram vo tehnologijava mnogu mnogu skoro ic ps4 ps5 ili xboh sin mi saka ps bilo koe kako za poklon za n.godina pa koj pat da go fatam jas pozdrav
Ve molam za pomos imam xbox Series X i acaont mi e na USA vo nekoj prepiski procitav deka mozam so makedonska Visa karticka mojata e od NLB da si kupuvam pretplata za gampase ultimate, no ve molam da mi pojasnite kako da ja vpisam mojata Visa karticka, koga ne mi dava da ja registriram na konzolata, i koj e najdobar i najisplatliv nacin za pretplata i kupuvanje na gampase ultimate ve pozdravuvam i odnapred vi se zablagodaruvam ednas kupiv od G2A
Nemozam ni jas . Nema ni da mozes . Duri komunicirav I so Xbox support I rekoa deka nemoze. Taka da, do avtorot da istazi pred da pise nesto .
Здраво! Никогаш не пишуваме нешто што не е проверено. Авторот на текстот има купено над стотици игри и бројни додатоци и претплати со македонска картичка без проблем. Знаеме и бројни корисници кои без проблем така купуваат! :) Поздрав!
Jas imam so visa prokredit akaunt kreiran na adresa UK i bez problem plakam clenstvo kupuvam igri i preku viza i preku paypal i dvete opcii mi se aktivni
Naprotiv jas mojata seres x konzola ednostavno ha prikluciv I si plakam so nlb karticka mnogu ednostavno
pishete ni na [email protected] i kje probame da vi pomogneme :)