Нова недела, нови предлози за игри на кои би можеле да им пружите шанса. Специјално за вас, одбравме додаток за одлична стратегија, демо за игра која ветува многу и невообичаен асиметричен мултиплеер!
Излезе најновото DLC за Last Train Home
Last Train Home е критички признаена стратегија која ги освои гејмерите со невообичаена приказна и водење на чехословачките војници среде брутална граѓанска војна. Играта пружи одлични механики за тактизирање, планирање и користење вештини. Покрај надградување на војниците, можете да го надградувате и возот кој го управувате, како и да отклучување нови вештини. Сево ова допринесе до интересна и крајно невообичаена игра со впечатлива приказна.
По нешто повеќе од два месеци, излезе првото DLC за основната игра. Насловено како Legion Tales, проширувањето ви дозволува да искусите нови приказни од регионот и да разрешите нови предизвикувачки мисии кои се замислени да ги тестираат вашите вештини и способности за донесување одлуки. Мисиите се од повторлив карактер и се охрабрува нивното преигрување и имплементирање поразлични стратегии.
Повеќе детали за играта
- Произведува: Ashborne Games
- Издава: THQ Nordic
- Жанр: стратегија
- Платформа: Microsoft Windows
- Излезе на: 1 февруари 2024
Southfield се поднови со демо од играта
Од развојниот тим кој претходно работеше на Bright Paw: Definitive Edition ни доаѓа подеднакво слатка игра која припаѓа на farming жанрот. Southfield е игра со откачено движење и садење невообичаени работи. Сами или со уште тројца пријатели ќе можете да работите на вашата фарма, ќе садите, собирате ресурси и градите.
Southfield првично ќе излезе во раниот пристап на Steam, но клучните гејмплеј механики се чинат како да се детално разработени, нешто што успеавме да го забележиме од штотуку излезеното демо. Играјќи како Бад, ќе имате за задача да скокате низ шареноликата мапа, да ја одгледувате вашата фарма и да користите најразлични алатки за лудо, но ефикасно процесирање на продуктите. Слично на Minecraft, кога ноќта ќе падне ќе се појават непријателско настроени суштества од кои треба да се одбраните.
Повеќе детали за играта
- Произведува: Radical Forge Ltd.
- Издава: Radical Forge Ltd.
- Жанр: симулатор, сендбокс
- Платформа: Microsoft Windows
- Ќе излезе на: непознато
Lightphobe е асиметричен мултиплеер со огромен потенцијал
Доколку го проверите демото за Lightphobe или пак играта која штотуку излезе во раниот пристап на Steam, би можеле да забележите дека се работи за изненадувачки забавен ко-оп проект, направен од само еден девелопер. Во Lightphobe ќе навлезете во мрежни режими со до 16 играчи. Можете да ја браните планетата Земја како наоружани војници или да ја тероризирате како расата од етерични костурски суштества кои се виката Лајтфобс (од тука и името на играта).
Во Lightphobe, играње со војникот е во прва перспектива, а играње со костурот е во трета. Војниците, кои обично бранат цели, можат да бираат помеѓу пет различни претходно-дефинирани арсенали од огнени оружја, додека костурите, кои напаѓаат, имаат ладни оружја и можности за невидливост. Играта ќе биде дел од раниот пристап најмалку година дена. Моментно се работи на вметнување по 2 нови способности за војниците и костурите, како и 2 дополнителни мапи за мултиплеер.
Повеќе детали за играта
- Произведува: Mutant Realm Entertainment
- Издава: Mutant Realm Entertainment
- Жанр: FPS
- Платформа: Microsoft Windows
- Излезе на: 12 февруари 2018
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
