Со големо чувство на општествена одговорност, како пријатели на иницијативата IT4Charity, со задоволство упатуваме повик до ИТ заедницата да се приклучи на седмото издание на оваа инспиративна платформа што создава вистинска и одржлива разлика!
Оваа година, ИТ заедницата директно ќе ја поддржи Програмата за позитивно родителство и зајакнување на семејствата на СОС Детско село – програма која обезбедува психосоцијална поддршка, советување и едукација за родители, индивидуална и групна работа со деца и активности за развој на социјални вештини.
Собраните средства од иницијативата ќе бидат наменети за 45 семејства и 120 деца во социјален ризик, со цел да се спречи нивно разделување и да се обезбеди континуирана поддршка во рамките на биолошкото семејство.
„Во време кога семејствата се соочуваат со сериозни предизвици, ИТ заедницата станува мост на поддршка и надеж. Со IT4Charity 2025, не само што инвестираме во деца и семејства, туку и испраќаме силна порака дека иднината е заедничка – и треба да биде зелена и сигурна за сите.“ – велат од СОС Детско село.
Оваа година, IT4Charity го комбинира најдоброто од тимска активност, еколошка одговорност и хуманост. На 20 септември, во Градскиот парк – Скопје, ИТ-компаниите ќе формираат тимови и ќе учествуваат на хуманитарната трка, симбол на корпоративна солидарност и здрав животен стил.
Во текот на целата кампања, вработените ќе имаат можност да рециклираат со помош на апликацијата на Екомак, собирајќи зелени поени што се претвораат во донации за СОС Детско село – донации што ќе бидат удвоени од Пакомак. На 1 ноември, иницијативата ќе заврши со садење дрвја во Детското село, како симбол на заедничката и долгорочна заложба за похумано и позелено утре.
„Оваа иницијатива е повеќе од донација – тоа е заедничка мисија. Ги повикуваме сите ИТ-компании да бидат дел од IT4Charity 2025 и да покажат дека солидарноста и одговорноста се темели на кои се гради вистински прогресивна заедница.“ – велиме и ние, како ваш долгогодишен партнер и поддржувач на оваа значајна иницијатива.
За повеќе информации и пријавување, кликнете овде.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
