Со работна фреквенција од 5.2GHz и со оцена 2449 на Cinebench R15, Ryzen 7 1800X, е нов рекордер на бенчмарк тестовите. Веста засега е непотврдена од Cinebench или AMD. YouTube видеото од тестот е отстрането, но за среќа Vimeo видеото и неколку слики сè уште се достапни. Сепак, ако судиме по резултатите, хардвер ентузијастите имаат причина за возбуда.
Рекордот е поставен во „multi-thread“ процесирање и со LN2 ладење. Претходниот рекорд на Cinebench R15 е 2410. Скриншотот од тестовите покажува напон на јадрото од 1.875 V, брзина на магистрала (Bus Speed) од 137.78 MHz и множител 37.75. Со помош на течен азот температурата на процесорот беше спуштена на -200°C.
Првите Ryzen процесори, R7 1800X, R7 1700X и R7 1700 излегуваат за неколку дена, на 2 март. Компанијата веќе ги испрати првите процесори до дел од медиумите па официјални резултати од независни тестови ќе има веќе на првиот ден. Послабите серии на Ryzen ќе излезат во втората половина на 2017.
Image: PC World / http://www.pcgamer.com/amd-ryzen-7-1800x-hits-52-ghz-breaks-benchmarking-record/
Во меѓувреме го добивме и првиот одговор од Intel. Во исчекување на Ryzen процесорите Intel ја намали цената на речиси сите Kaby Lake процесори. Kaby Lake Core i7 7700K сега чини 299 долари од 380 долари.Core i5 7600K е 200 долари, намален за 70 долари. Intel 6800K од 500 долари сега е намален на 360 долари, јави Kitguru.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
