Дмитри Олегович Зубака од Москва, 25, е уапсен во Кипар по сомневање дека стои зад два DDoS напади врз Amazon.com што се случија во октомври 2008 години. Обвинет и за кражба на десетици илјади кредитни картички.
„Овие сајбер бандити сериозно им наштетуваат на нашите бизниси и нивните корисници. Но, старата поговорка се покажа како вистинита: раката на законот е долга.“, вели адвокатот Џени А. Дуркан која го води сајбер комитетот во американското Министерство за правда.
Рускиот хакер е обвинет дека нелегално ги напаѓал сајтовите на Amazon, Priceline.com и eBay со DDoS преку ботнет мрежа. Осомничен е дека ги напаѓал сајтовите „со заговор намерно да предизвика штета без овластување на заштитени компјутери, и на два наврати намерно предизвикал штета на заштитени компјутери резултирајќи во штета од 5.000 долари“. Покај нападите г. Зубака е осомничен и за поседување на 15 неавторизирани уреди, и кражба на идентитет и на податоци на 28.000 кредитни картички.
„Сајбер бандитот“ моментално е во притвор во Кипар и чека екстрадиција во САД каде може да биде осуден и до пет години во затвор.
