Русија не е имуна на сајбер напади: Украдени се 100 милиони ВКонтакте профили

Податоци од над 100 милиони профили на најголемата руската социјална мрежа VKontakte се на продажба на црниот пазар, јавува Motherboard. Податоците содржат имејл адреса, име, презиме, локација, телефонски број и лозинка, вели LeakedSource.

Лозинките на VK.com во моментот на пробивањето биле чувани во „plaintext“ што значи дека секој може да пристапи до нив. Најчесто користени лозинки на Vkontakte се: 123456, 123456789, qwerty, 111111 и 124567890. Најголем дел од корисниците, околу 41 милион, имаат имејл адреса од @mail.ru и @yandex.ru адреси.

Податоците доаѓаат од хакер познат под псевдонимот „Peace“ кој тврди дека има и други 70 милиони профили кој засега не се на продажба. Цената на податоците е само еден биткоин. Станува збор за истиот хакер кој неодамна ги стави на продажба и податоците на над 400 милиони MySpace корисници.

Од руската социјална мрежа уверуваат дека заштитата не е пробиена и дека станува збор за податоци кои се од периодот 2011-2012 година.

Добивај известувања
Извести ме за
guest
0 Коментари
Inline Feedbacks
View all comments