Русија ќе ја тестира сопствената интернет независност

Avatar img-thumbnail img-circle

во feature, Веб

Во скоро време и веројатно пред април, Русија ќе има еден кус тест за интернет независност. Државата накратко ќе се исклучи од глобалниот интернет.

Ова е дел од сајбер одбранбена вежба која треба да биде показател кој ќе покаже колку државата е подготвена за ваков вид на војна. Дополнително, во Русија веќе е во подготовка предлог законско решение со технички барања за независно функционирање, јави BBC.

Овој тест ќе обезбеди дека целиот интернет сообраќај кој е неопходен за работа ќе биде низ руска инфраструктура. Односно во случај на сајбер напад, клучните системи ќе продолжат да работат без прекин иако мрежата е исклучена.

Тестот е наменет и за проверка на подготвеноста на руските телеком оператори за поднесување на товарот од целиот сообраќај.

Предлог законот предвидува и инсталирање на сè што е технички неопходно за пренасочување на целокупниот интернет сообраќај преку руска мрежа. Операторите го поддржаа законот, но стравуваат од високата цена. Проценката е дека независната инфраструктура ќе ги чини повеќе од 1,6милијарди евра годишно.

Опозицијата во Русија смета дека целиот тест е непотребен, додавајќи дека исклучувањето е нелогично.

„Исклучувањето на Русија од глобалниот интернет ќе значи дека веќе сме во војна со сите. Во оваа ситуација би требале да почнеме да размислуваме како да одгледуваме компир во нуклеарна зима, а не што ќе правиме со интернетот“, вели Филип Кулин, руски интернет експерт.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments