Роботи како поддршка на полицијата во Њујорк

Avatar img-thumbnail img-circle

во Вести

Оваа недела полицајците во Њујорк добија неочекувана помош. Поддршка на луѓето полицајци ќе бидат два „Digidogs“ роботи креирани и произведени од Boston Dynamics и К5 Autonomous Security Robot произведен од Knightscope.

Роботите ќе се користат за различни задачи и ќе помогнат за подобрување на безбедноста на полицијата. За четириножниот робот на Boston Dynamic веројатно не треба никакво посебно претставување. Компанијата го претстави Spot пред неколку години и оттогаш станува само подобар. Пред две години полицијата во Њујорк имаше сличен проект со роботите кучиња, но поради незадоволството на  јавноста, проектот беше прекинат.

„Кучињата“ од Boston Dynamics ќе се користат како поддршка во опасни ситуации. На пример во ситуации каде што има заложници, роботите може да се испратат и да обезбедат видео во живо до полицајците кои се на безбедно растојание. Роботите се исклучително прилагодливи и може да работат самостојно или полу-самостојно.

Цената на две „кучиња“ колку што обезбеди Њујорк е 750 000 долари. Покрај ситуациите во кои има заложници, овие роботи ќе се користат и во други ситуации опасни по животот на полицијата. Роботите ќе се користат и во ситуации кога постои опасност од поставени експлозивни направи.

К5 Autonomous Security Robot е своевидна купола опремена со куп сензори. Тестовите ќе започнат за неколку месеци откако производителот ќе го прилагоди роботот на потребите на полицијата. Првите патроли ова лето ќе започнат во метрото на Тајмс Сквер.

За разлика од „Digidogs“, роботот К5 ќе се користи како помош на полицијата додека патролира. K5 е опремен со камери и микрофони и може да го покрие просторот во целост. Роботот функционира автономно и сите податоци од камерите и микрофоните ги препраќа на обработка во станиците. Тест периодот на овој робот ќе трае 4 месеци, и во овој период ќе се разгледа и дали може да работи без присуство на човек полицаец. Ако тестовите се покажат успешни роботите би можеле да патролираат и самостојно.

Овие роботи не може да се движат по скали, и се движат со брзина од 5km/h што секако не е доволно да се следат осомничените. Сепак целта на K5 e да спречи криминал, а не да ги брка прекршителите.

Последниот уред кој го претстави полицијата на овој „ден на технологијата“ во Њујорк не е робот. Станува збор за пиштол кој како муниција користи GPS tracker. Уредот е произведен од StarChase и 7 „пиштоли“ ќе ја чинат полицијата претплата од 19500 американски долари. Целта е да се намали опасноста од брканици со возила кои се опасност за сите по улиците на Њујорк.

Во моментов роботите не користат препознавање на ликови, иако тоа би можело да се промени во иднина. Дополнително роботите кои се користат не се вооружени, пренесе Digital Trends.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments