Research In Motion со нов оперативен систем и со три нови модели на Blackberry паметните телефони ќе се обиде да се рехабилитира по неуспешните месеци. Два од трите нови телефони, моделите Bold 9900 и Torch 9810 се со екран на допир и со физичка тастатура, што е препознатливa карактеристика за Blackberry уредите, додека третиот нов модел Torch 9850 е со целосен екран на допир без физичка тастатура.
„Ова е најголемиот глобален старт на Blackberry телефоните во нашата историја.“, вели директорот на RIM, Мајк Лазаридис.
Сите три модели доаѓаат со новиот Blackberry 7 OS кој има подобро прелистување, дури 40 отсто побрзо од BlackBerry 6 OS. Новиот оперативен систем е оптимизиран и за HTML5 и има подобрено зумирање на страните. Има гласовно пребарување, подобрен App World, интегриран Blackberry ID, мод со повеќе допири, компас и GPS…
Што се однесува до хардверот како поддршка за OS 7, сите три модели имаат 1.2 GHz процесор, 768 MB RAM, 4 -32 GB простор, опција за снимање HD видео со 5 мегапиксели камера, 24-битна графика со висока резолуција, и подобри сензори за поддршка на апликации за проширена реалност.
Повеќе за Blackberry телефоните, за нивните спецификации и други детали ќе најдете тука: за Blackberry Bold 9900, за Torch 9850 и за Torch 9810.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
