Valve ја најави Steam Reviews услугата која ќе овозможи сите членови на зедницата да може да пишуваат рецензии и да ги оценуваат игрите. Услугата веќе им е достапна на сите 65 милиони корисници на Steam, јавува Gamespot.
Покрај рецензија на игрите, корисниците ќе можат да ги оценуваат и прегледите кои ги напишале останатите играчи или да коментираат на нив. Досега главен извор за оцена на игрите на страната на Steam беа Metacritics, но тука спаѓаат и гласови на луѓе кој можеби и не ја погледнале играта. За разлика од ова Steam Review ќе дозволи да напишете рецензија единствено за игри кои сте ги играле, а покрај ова рецензијата ќе го прикажува и времето кое авторот го поминал играјќи.
Рецензиите на игрите и помошта од другите играчи се дел од Steam од 2010 година, а Steam Reviews е еволуција на досегашниот модел. Играчите имаат над 7 милиони препораки за игри и софтвер за нивните пријатели, новиот модел ќе овозможи овие препораки и рецензии да бидат видливи за сите, а не само за пријателите. Покрај ова Valve ќе им овозможи и на развивачите на игри да комуницираат со фановите, а нивните коментари ќе бидат извоени како официјален развивач на играата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
