Blizzard Entertainment го затвори Azeroth за иранските играчи на барање на американските власти. Забраната за пристап до онлајн светот е поради трговските санкции кои ги воведоа САД и Европа поради нуклеарната програма на Иран.
„Тоа што можеме да ви го кажеме во моментов е дека Законот за економско ембарго и трговски санкции оневозможува Blizzard да нуди услуги на одредени држави во кои спаѓа и Иран. Неколку од вас го видоа и цитираа делот [се мисли на Условите за користење] кој се однесува на ембарго воведено од државата. Оваа недела Blizzard ги усогласи своите процедури во согласност со законот, и играчите кои се поврзуваат од овие држави нема да можат да се приклучат на игрите на Blizzard, но и на нашата услуга.“, вели Blizzard.
Американскиот закон не дозволува американски компании да нудат услуги на жители кои се под економски ембарго. Во соопштението кое го издаде Blizzard стои и дека од истите причини не се во можност да им ги рефундираат средствата на засегнатите играчи. Забраната доаѓа само три недели пред официјално да започне продажбата на четвртото продолжение на WoW, Мist of Pandaria. Иако најголем дел од играчите не се во можност да се конектираат дел од нив се снаоѓаат и преку прокси успеваат да се вратат во Azeroth.
Иако бројот на држави кои го поддржуваат ембаргото расте и мерките против Иран се построги, засега не вродуваат со плод. Причина за ембаргото е несогласувањето кое го има остатокот од светот со нуклеарната програма на Иран. Оваа држава тврди дека работат исклучиво на енергетска нуклеарна програма, но Америка и Европа се сомневаат дека тоа е параван за нуклеарно оружје.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Niv ne gi e gajle mozat da si igraat modern warfare IRL