Raspberry Pi без сомневање е најпрепознатлив по своите миникомпјутери. Сепак целта на фондацијата која го издаде компјутерот, е да креира платформа на која децата ќе се запознаат со компјутерите и информатичката технологија. Минатата недела Raspberry Pi Foundation претстави нова едукативна алатка – онлајн код едитор за Python. Едиторот е достапен на editor.raspberrypi.org.
Алатката од Raspberry Pi Foundation првенствено е наменета да ги научи децата да програмираат во Python. Секако, може да го користат сите кои започнуваат да програмираат. Едиторот е бесплатен за користење и овозмоува креирање, уредување, извршување на Python код во облакот. Корисниците може да ги снимат своите проекти и да продолжат да работат на нив во иднина. Ако сакаат, корисниците може и да го преземат својот код. Фајловите се со zip компресија и ова е единствениот формат во кој може да се преземат.
Интерфејсот е чист и поделен во три колони. Во првата колона се проектите, во втората е кодот, и во третата се резултатите по извршувањето на кодот. Со креирање на профил на Raspberry Pi се „отклучува“ опција за зачувување на проектите во облакот.
Очекувано онлајн едиторот е прилагоден на туторијалите кои ги издава фондацијата. Засега ова е овозможено за првите неколку туторијали, но нема причина да се сомневаме дека нема да бидат додадени и останатите. За иднина е највена поддршка за HTML, JavaScript и CSS. Сите кои го користат Raspberry Pi за управување со GPIO излезот ќе мора и натаму да користат локален едитор.
Pi-фондацијата планира наскоро да додаде споделување и колаборација на кодот, а кодот на едиторот ќе биде објавен како опен-сорс, пренесе Tom’s Hardware.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
