Иако на YouTube каналот androiddevelopers се појави видео на кое пишуваше дека конференцијата Samsung Unpacked ќе започне за 4 дена и 20 часа, Google, заедно со Samsung, се предомислија и го одложија настанот на неодредено време. На настанот требаше да се претстави новата генерација на мобилниот оперативниот систем Android.
Новата генерација Ice Cream Sandwich има за цел да го унифицира мобилниот оперативен систем Android за сите мобилни уреди. До сега паметните телефони ја користеа мобилната верзија Gingerbread, додека таблет компјутерите мобилната верзија Honeycomb. Ice Cream Sandwich, или со друго име Android 4.0, ќе може да се употребува и на паметни телефони и на таблет компјутери. Овој оперативен систем прв пат беше најавен на конференцијата Google I/O.
Samsung и Google заеднички одлучија да го одложат настанот Samsung Unpacked, на кој корејската компанија исто така требаше да открие нов паметен телефон кој е изработен во соработка со Google. Google Nexus Prime ќе ја користи новата генерација на Android, Ice Cream Sandwich. Се претпоставува дека причина за ова одложување е можноста да се фати празничната еуфорија. Интересно е тоа што веќе се појави снимкa од Nexus Prime на којa може да се види како ќе изгледа новата генерација на Android.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
