Првите модели на Microsoft Surface ќе имаат поддршка само за Wi-Fi, ќе чинат над 600 долари

Првиот таблет компјутер на Microsoft кој ќе работи на Windows 8 ќе има поддршка само за Wi-Fi поврзување, открива Bloomberg. Весникот се повикува на лица блиски до компанијата кои не сакале да откријат други спецификации бидејќи истите сè уште не се објавени јавно.

За споредба, најголемиот конкурент на Surface кој доминира со пазарот – iPad, иако има модели само со Wi-Fi, сепак започна да се продава со најбрза можна интернет конекција (3G) со пристап до интернет од било каде. Ограничувањето со Wi-Fi ќе го направи Surface да биде домашен уред, што можеби е и целта на Microsoft бидејќи таблет компјутерот доаѓа со додадена тастатура и потпирач за да наликува на PC.

Според ТheNextWeb, цената на Surface се очекува да биде над 600 долари што е за 30 долари поефтино од 16 GB iPad со Wi-Fi и 3G. Верзијата на Surface со Intel процесор ќе биде околу 800 долари. Aко овие извори се веродостојни, тогаш Microsoft можеби премногу очекува со Windows 8 таблет компјутер со 1366×768 резолуциај да се натпреварува со iPad so 3G и Retina HD дисплеј, се за скоро иста цена.