Првиот iPhone кој ќе доаѓа со поддршка за 5G мрежа ќе се појави за 2 години, велат извори за Fast Company.
Она што е непознато е која компанија ќе биде производител на 5G модемот. Apple има договор со Intel, но компанијата е незадоволна од перформансите на чипот. Најголемиот проблем е со прегревањето кое го прави 8060 чипот.
Добра вест за Apple е дека Intel работи и на следната генерација на модем 8061. Лоша вест е дека нема гаранција дека чипот ќе биде подготвен за првиот 5G iPhone.
Apple можеби би размислил и за договор со Qualcomm, но двете компании се во лоши односи, поради скорешните тужби. Тука е и проблемот кој и Qualcomm го има со модемот кој има проблем со загревање кај дел од производителите кои тестираат.
Загревањето е и товар на батеријата, бидејќи енергијата не е искористена.
Причината за загревање е спектарот на кој зрачат антените. Загревањето е толкав проблем што се чувствува и на надворешноста на телефонот.
Apple е во преговори и со MediaTek, што е прилично далечен план Б, вели изворот на Fast Company.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
