Специјален Оскар ќе му биде доделен на Александро Инариту за Carne y Arena (Virtually Present, Physically Invisible). Станува збор за своевидна инсталација во виртуелната реалност, поблиску до искуство отколку до филм.
Академијата му го додели оскарот за визионерско и моќно искуство во раскажувањето. Филмот за прв пат е прикажн на Канскиот фествал. Сите кои можеа да го видат велат дека единствен начин да се разбере искуството е да се доживее, вели Deadline.
„Мултимедијалнoтo и кинематографско искуство на Инариту е длабоко емоционален и физички извонреден влез во светот на мигрантите, што ја минуваат пустината на американскиот југозапад во почетокот на зората. Повеќе од дури креативен пробив во сè уште новите форми на виртуелната реалност, визуелно нè поврзува со политичката и социјалната реалност на американско-мексиканската граница“, вели Џон Бејли од AMPAS.
Академијата нема категорија во која би можела да го номинира филмот. Поради ова академијата се одлучи да му додели специјален Оскар. Режисерот Александро Инариту досега има Оскари за режија за Birdman и за The Revenant.
