Мобилната апликација Trawell на стартапот CodeWell, успеаја со својот концепт да собере најмногу гласови на Europe Startup Weekend Battle натпреварување на Facebook, со што доби шанса да се презентира пред инвеститори во Лондон.
„Во Лондон беше мојот колега Мартин и тој го презентираше Trawell, но за жал не ја земавме главната награда на настанот. Мартин сè уште не е вратен меѓутоа имам информации дека презентацијата поминала одлично и од многу од присутните луѓе таму (инвеститори, девелопери, итн) сме добиле пофалби како за презентацијата така и за Trawell“, вели Нино Карас од CodeWell.
Траwell е моментално во бета и CodeWell продолжува да ја развива со цел да биде спремна не само за македонскиот, туку и за светскиот пазар.
„Една од верзиите (можеби нај интересна) е да се развие CMS (веќе има прототип), со кој ќе може да се менува цел податочен слој на апликацијата, а со тоа и некои нејзини прилагодувања па како таква Trawell да се продава на туристички агенции, фирми кои издаваат печатени водичи, општини, градови, со што самите тие преку отворање на профил за кој ќе се наплаќа ќе вадат персонализирани верзии на Trawell, кои секако ќе функционираат офлајн.“
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Challenger 
