Прв поглед на минијатурниот TP-Link Portable 3G/3.75G Wireless N рутер

(Рецензијата за TP-Link Portable 3G/3.75G Wireless N рутер ќе ја најдете и на форумот на IT.com.mk каде може да се вклучите во дискусијата, да прашате и да научите нешто ново)

Заборавете на проблемите и мачењето како со 1 3G USB стикче да ја поделите истата конекција на повеќе преносни компјутери, телефони и таблет компјутери. Ви го претставуваме одличниот рутер TP-Link Portable 3GWireless N. Мора да признам дека го зедов производов за рецензија поради неговите димензии. Уредот е доволно мал за да може да се носи дури и во џеб, и иако искрено не верував многу во неговите квалитети, Portable 3G Wireless N(ano) се докажа како многу моќен. Наскоро ќе дознаете и зошто.

Да почнеме од почеток. Рутерот е од TP-Link кој е глобален провајдер на SOHO мрежните продукти и е број еден провајдер за безжични и жичани уреди чиј продукти се застапени во 120 држави со 10 милиони клиенти. TP-Link произведува рутери, свичеви, IP камери, адаптери, принт сервери, медиа конвертори и мрежни адаптери за крајните корисници.

Portable 3G/3.75G Wireless N е спакуван во мала минијатурна кутија која содржи рутер, адаптер за струја, ЦД со потребен софтвер, прирачник, USB кабел и Enternet кабел. Најважниот дел е сакако рутерот кој на него ги има следниве работи: мод свич со кој местиме дали ќе го користиме како 3G или рутер, има еден Enternet порт, Lan/Wan, мини USB port кој служи за напојување на рутерот преку латоп или со адаптерот кој доаѓа со него. Има и 3G USB порт за креирање на 3G конекција која може да ја споделиме со другите и има WPS/Reset копче за рестартирање на уредот.

Тоа што го издвојува TP-Link Portable 3G/3.75G Wireless N рутер од конкурентните производи се секако димензиите 74 x 67 x 22 милиметри. Рутерот е лесен и компактен, мал и функционален, ги има сите функции како сите обични и големи рутери. Лесен е за пренесување од едно на друго место, димензиите му се толку мали што може да го ставите во џеб на палто, јакна, и секако може да го носите во ташна.

Што се однесува до другите подетални спецификации на овој рутер:

Дизајнот и изработката на ова рутерче е перфектно изработено, особено радосни ќе бидат оние кој имаа Apple Mac преносни компјутери, бидејќи ќе им се вклопи комплетно во дизајнот на лаптопот и ќе изгледаат идентични. Она што е за поздравување од TP-Link е онлајн емулаторот за овој рутер и за сите негови претходници. Слободно можете да се опуштите и да го разгледате се што тој опфаќа. Линкот до емулаторот е http://www.tp-link.com/resources/simulator/TL-MR3020/index.htm

 Позитивно

• Мали димензии, лесно за пренесување;
• Не му е потребно додатна струја, може да се напојува со струја од самиот лаптоп или компјутер преку USB кабел, но исто така има можност да се поврзе и на адаптер;
• Бела боја во комбинација со блага сива боја која остава убав впечаток;
• Може да се користи било како 3G USB стикче не зависно од операторот.

Негативно

• Нема