Сигурно не се сеќавате на бројните апликации кои сте ги пробале или играле на Facebook, Twitter, Google+, Flickr, и сигурно не сте ги ни прегледале дозволите кои ги бара апликацијата да ги користи вашите лични податоци. Овие работи најчесто се игнорираат бидејќи ако вашите пријатели ја користат апликацијата тогаш е во ред, нели? Не.
My Permissions е веб сервис кој со еден клик ќе ви помогне да ја прегледата и изчисите листата со дозволите кои сте им ги одобриле на друштвените апликации.
Сајтот, креација на израелскиот претприемач Ави Чаркам, не прави ништо посебно освен што има директен линк до опциите каде се наоѓа листата со апликации на разните друштвени сервиси. Одберете си која друштвена мрежа или друштвен сервис користете и прегледајте што сте им дозволиле на апликациите. Како совет, доколку апликацијата е на пример друштвена игра, а има пристап до вашите слики или сликите на пријателите, или пак до домашната адреса, тогаш можеби и не баш паметно да и оставите такви дозволи.