Apple и Google по се изгледа најдоа ново поле каде можат да си конкурираат, а овојпат друштво ќе им прават Uber и Tesla. Станува збор за автономно возило, а компанијата од Купертино работи на сопствен модел, велат извори на Guardian.
Претставници на Apple веќе се сретнаа со претставници на Одделот за моторни возила, а на средбата покрај заменик директорот и шефот за стратешко планирање беше присутен и Бернард Сориано – експерт за автономни возила. Проектот за автономни возила на Apple е наречен Project Titan, а се чини дека се во поодмината фаза, па компанијата бара тест стаза за својот автомобил, која најверојатно е и пронајдена на напуштена воена база во близина на Сан Франциско.
Во моментов нема цврст доказ дека Apple работи на автономно возило. Од компанијата можеби се сретнаа со регулаторот да дискутираат за iCar – системот на Apple за паменти возила, кој сепак не е ниту приближно напреден за да биде автономно возило. Со оглед на тоа дека податоците за автономни возила се јавни, доколку веста е точна, наскоро ќе дознаеме повеќе.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
