Купувачите и фановите на Apple се навикнати на некакви повисоки стандарди кога се во прашање производите на компанијата. Сепак ниту оваа компанија не е имуна на по некоја глупост при надградбите. Токму таков е случајот со надградбата на оперативниот систем watchOS 5.1.
Дел од сопствениците на Apple Watch на чии часовници е надграден оперативниот систем се пожалија дека часовникот сега им е „циглосан“. Ова секако значи дека часовникот воопшто не работи и може да се користи единствено како декорација. Со оглед дека не се вклучува екранот, баш и не е некаков украс.
Проблемите ги потврди и Apple кој запра со надградбата, и ги повика сите корисници со проблем да го донесат часовникот во некој од сервисните центри на Apple.
Часовниците кои се зафатени од проблемот не се вклучуваат. По ресетирањето се појавува логото на компанијата и тука заглавува подигањето на оперативниот систем.
За жал Apple потфрли и со сервисирањето. Корисникот треба да го врати часовникот, па од таму часовникот оди на сервис, а корисникот треба да чека да се поправи. Apple не им дава некаква замена на корисниците во меѓувреме што значи дека мора да го чекаат скапиот часовник назад.
Доволен доказ за проблемите е паузата која Apple ја направи со надградбата. Компанијата најави дека набрзо ќе издаде нова верзија на watchOS.
@apple Apple Watch series 4 bricked while updating. Took to apple store. Had to send away to repair. 3-5 days. Didn’t offer replacement. Thanks!
— Mike Liddle (@mike_liddle) October 30, 2018
One Eternity Later … New watch for 2 hours 😊 then 10 day-repair mission … 😰 #Amazing #Bricked #WatchOS51 #AppleWatchSeries4 pic.twitter.com/45E36l4DqK
— ʟᴜᴅᴏ Ⓛ (@Ludo_L_) October 31, 2018
Fearing my BRAND NEW #AppleWatchSeries4 is now a brick! @AppleSupport please help!!! pic.twitter.com/PlQhOXFHrp
— The Darkness 3000 (@MikeKMyers) October 31, 2018
