Уште во јуни на претставувањето на iOS 7, Аpple најави дека во оперативниот систем ќе додаде и поддршка за други хардверски додатоци, пред се гејминг контролерите. Без таа поддршка, производителите на контролери мораа да соработуваат со индивидуални гејминг студија за да ја обезбедат синхронизацијата помеѓу игрите и контролерите. Но, благодарение на интегрираната поддршка сега пристигаат првите Made for iPhone гејмпади од Logitech и oд PowerA. И двата додатоци се еден вид кучиште во кое го закачувате iPhone телефонот. Гејминг копчињата се од страна, а целиот контролер има дополнителна батерија која го продолжува играњето, и која се поврзува со micro-USB кабел. За жал, контролерите работат само со iPhone 5+ телефоните.
Иако цената на контролерите е релативно евтина, околу 100 долара, сепак Polygon, кои го рецензираа Moga контролерот, велат дека пластичниот додаток кој не изгледа стабилно не вреди за тие пари. Но, ова се само првите вакви контролери кои „поставија ниска граница за конкуренцијата“. Можеби е попаметно да се почека уште малку додека да излезат понови верзии.
[youtube]nVfeShqTx-Q[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
