По подолг период Raspberry Pi Foundation имаат добри вести: „Raspberry Pi добива надградба“. Мини компјутерот кој е популарен кај хобистите кои сакаат да работат на паметен дом, интернет на нештата, и куп други проекти, никогаш не бил подобар. Raspberry Pi 4 B е доволно моќен што веќе може да замени и послаб десктоп компјутер.
Речиси и да нема дел кој не е надграден од процесорот, па се до USB портите. Компјутерот сега е многу побрз што се должи на промената на процесорот, но има и повеќе и побрза RAM меморија. Доаѓа со можност за репродукција на 4К видео и со поддршка за два монитори. Новитет се и USB 3 портите, но новитетите не завршуваат тука; Новата верзија ќе има неколку нови модели. Основната верзија на Raspberry доаѓа за 35 долари, но сега ќе бидат достапни и две други верзии. За 45 долари ќе може да купите Raspberry Pi 4 со 2 GB RAM, а за 55 ќе добиете уред со 4 GB RAM.
Нема дел на компјутерот кој не е надграден и побрз. Процесорот и графичкиот процесор се побрзи; побрза е и RAM меморијата; побрз е и слотот за microSD картичката. Дополнително тука се и USB 3 портите и Gigabit Ethernet. Подетални податоци за брзината на „четворката“ може да видите на Tom’s Hardware.
| Raspberry Pi 4 B | Raspberry Pi 3 B+ | |
| Процесор | 1.5-GHz, Quad-Core Broadcom BCM2711B0 (Cortex A-72) | 1.4-GHz, Quad Core Broadcom BCM2837B0 (Cortex A-53) |
| RAM | 1 – 4GB DDR4 | 1GB DDR2 |
| GPU | 400 MHz VideoCore IV | 500 MHz VideoCore VI |
| Видео излез | дуал micro HDMI излези | еден HDMI излез |
| Максимална резолуција | 4K 60 Hz + 1080p or 2x 4K 30 Hz | 2560 x 1600 |
| USB порти | 2x USB 3.0 / 2x USB 2.0 | 4x USB 2.0 |
| Мрежа | Gigabit Ethernet | 330 Mbps Ethernet |
| Wi-Fi | 802.11ac (2.4 / 5 GHz), Bluetooth 5.0 | 802.11ac (2.4 / 5 GHz), Bluetooth 4.1 |
| Напојување | USB Type-C | micro USB |
| Потребно напојување | 3A, 5V | 2.5A, 5V |
| Големина | 3.5 x 2.3 x 0.76 inches (88 x 58 x 19.5mm) | 3.2 x 2.2 x 0.76 inches (82 x 56 x 19.5mm) |
| Тежина | 46 грама | 50 грама |
Засега голем недостаток е што дел од софтверот не е поддржан на новата верзија на Rasbian OS. За Pi 4 е потребна оваа верзија Raspbian Buster, но за жал дел од претходно достапниот софтвер сè уште не е прилагоден за Buster. Повеќе библиотеки за Python на пример се некомпатибилни со овој оперативен систем, иако ова без сомневање е проблем кој скоро ќе биде надминат.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
