Google го објави Preview SDK за Google Fit за сите заинтересирани девелопери да ги симнат алатките и веднаш да започнат со развој на фитнес апликации. Google Fit SDK доаѓа со еден сет API-ја за креаторите на апликации и уреди кој овозможува зачувување и пристап до фитнес податоците. Google Fit SDK пред се е наменет за Android, но според најавите и за преносни компјутери, монитори за работа на срцето и слични уреди.
„Google Fit е отворена платформа која им дозволува на корисниците контрола врз своите фитнес податоци. Google Fit на девелоперите ќе им овозможи да креираат попаметни апликации, а на производителите да се насочат кон креирање на извонредни уреди“.
Во зависност од тоа што им е потребно девелоперите можат да изберат: Sensor API, кој овозможува пристап до сензорите на уредите и преносните уреди, без разлика дали станува збор Android уред или преносен компјутер. Така доколку креираат апликација за трчање, девелоперот може на определени периоди да добие пристап до мониторот за работа на срцето; Recording API овозможува ефикасно прибирање на фитнес податоците и нивно синхронизирање на облакот, што би овозможило, на пример, зачувување на податоците при возење велосипед за подоцна да бидат презентирани на мапа; History API овозможуваат пристап до зачуваните податоци и операции како читање, внесување на нови податоци и бришење.
Сите заинтересирани можат да го преземат SDK, со тоа што апликациите кои ги креираат ќе можат да ги објават подоцна кога ќе биде издадена финалната верзија на Google Fit.
[youtube]1PZ2W-r35BM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
