{mosimage}Во чест на Интернационалниот ден за преведување, вчера беа објавени два интересни сервиси од страна на Facebook и Google со кои на сајтовите ќе може на лесен начин да се преведуваат содржините, и тоа само со искористувањето на знаењето на посетителите (crowdsourcing). Овој метод на работа досега се покажа како навистина успешен, особено за Facebook кој денеска е достапен во над 65 јазици благодарение на своите корисници.
Прв со соопштение за оваа нова услуга излезе Facebook, кој можноста за преведување ја има интегрирано преку својата платформа Facebook Connect. Со инсталирање на неколку линии HTML и JavaScript кодови во изворниот код на вашиот сајт, ќе можете да ја искористите оваа опција. За повеќе информации искористете го Developers Wiki на Facebook.
{mosimage}
Неколку часа подоцна и Google излезе со соопштение дека со помош на нивната алатка од Google Translate ќе може да го направите вашиот сајт достапен на 51 јазик. Откако ќе ја интегрирате алатката во вашиот сајт, посетителите лоцирани во друга земја кога ќе дојдат на сајтот ќе бидат запрашани дали сакаат Google Translate автоматски да им ја преведе страната.
И Google Translate алатката се инсталира само со додавање на неколку кодови, а во листата може да селектирате и на кои јазици сакате да се сконцентрирате само, доколку не сакате да ги искористите сите 51.
{mosimage}
Додека сервисот на Facebook е директно искористување на посетителите за превод на сајтот, она што ни го нуди Google е индиректно и "полуавтоматизиранo" – преводите доаѓаат од компјутер, но подоцна се поправани мануелно од страна на корисниците. Во секој случај, верувам дека и двете платформи допрва ќе го градат својот концепт и ќе се усовршуваат а ќе овозможат и интернацонализација на многу сајтови. Впрочем, на овој начин и Facebook стана достапен на македонски јазик.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
