Претвори го твојот телефон во 3Д проектор со пластична кутија за CD-а

Интернет е преполн со куп креативни „направи-си-сам“ идеи, но ретки се оние кои се поедноставни и поимпресивни од предлогот на Mrwhosetheboss со чија помош паметен телефон се претвора во проектор за холограм. Се што е потребно за креирањето на „холограмот“ се стара пластична кутија за CD, модифициран gif или видео и сосем малку трпение за креирање на едноставната направа. За креирањето на холо-пирамидата најверојатно ќе ви биде потребно помалку време отколку за креирање или пронаоѓање на видеата кои може да ги репродуцирате, но сепак YouTube е преполн со веќе прилагодени видеа кои може да ги пронајдете. Вусшност и не станува збор за холограм кој се креиран во 3Д, туку за паметен трик со чија помош може 2Д-сликите да наликуваат на 3Д.