Најевтините скриени безбедносни камери со дополнителни сензори знаат да чинат од 100 евра нагоре, но она што повеќето можеби не знаат е тоа дека можат да го претворат нивниот стар, паметен телефон во релативно корисна безбедносна камера.
Haven е нова безбедносна алатка која го претвора вашиот Android телефон или таблет во еден вид направа за надгледување. Haven ги користи сензорите на вашиот телефон, како тие за движење, звук, вибрации и светлина за да регистрира и снима видео и аудио фајлови кои можете да ги надгледувате преку шифрирани канали, како Тор.
Моментно, Haven е во бета верзија, но бележи доволно добро напредување за да може веднаш да се користи од оние кои се сомневаат дека некој им ги краде чорапите, а немаат никакви докази за тоа.
