Дали би сакале вашата фотографија да ја преточите во интересна слика која како да е направена во Златното Доба на уметноста? Во случај на потврден одговор, не губете повеќе време и упатете се на следниот линк.
AI Gahaku е проект на јапонски девелопер кој се вика Сато. Сато има создадено еден вид уметнички генератор, целосно напојуван од вештачка интелигенција. До крајниот резултат од вашето ремек дело доаѓате во четири чекори. Избирате фотографија од вашиот компјутер, чекате минутка да се процесира, одбирате некој од понудените филтри, и потоа ја преземате или споделувате сликата на социјалните мрежи.
Сато објаснува дека фотографиите кои ќе ги испратите на серверот автоматски ќе бидат избришани. Исто така, да напоменеме и дека транзицијата кон ренесансата е возможна само со фотографии од вашето лице, така да, доколку очекувавте трансформирање на предели, ќе останете со празни раце.
