Претседателот на САД Барак Обама сака да му стави крај на сајбер вооружувањето, пред ситуацијата да стане иста како онаа со нуклеарното оружје. Сајбер безбедноста е една од темите кои беа разгледувани на G-20. Со сигурност на оваа тема е разговарaно со претседателот на Русија, Владимир Путин, но и со други претседатели, кои г. Обама не ги откри.
„Имавме проблеми со сајбер провалување од Русија и од други држави во минатото. Влегуваме во нов период, во кој повеќе држави имаат значителни капацитети. Искрено ние имаме најголем капацитет, за напад и за одбрана. Но, нашата цел не е во сајбер арената да создадеме круг на ескалација, кој го видовме со друго оружје во минатото.“, вели г. Обама.
Претседателот на САД ги признава проблемите кои државите ќе ги имаат со хакери кои не се спонзорирани и не работат за држави. Проблемите од хакери кои сакаат да го искористат интернетот и своите вештини за брза заработка, во иднина ќе станат посериозни; па поради ова би било добро вебот да не стане модерна верзија на дивиот запад.
President Obama says he doesn’t want “arms race” in cyberspace after #G20 talks with Putin https://t.co/EYmHTvbi73 pic.twitter.com/5iUxbWYi1w
— Bloomberg TV (@BloombergTV) September 5, 2016
