Google е најдобриот интернет пребарувач, меѓутоа пребарувачот на Google+ е далеку од стандардите кои ги постави Google. Доколку сте се обиделе да побарате некој до сега на Google+ користејќи го понудениот пребарувач, сигурно сте приметиле дека можете да барате само луѓе, и тоа само по име. Не можете да ги барате по клучни зборови од нивниот профил, и исто така не можете да ги барате текстовите од Google+ постовите.

Добрата работа е тоа што Google со причина е гигант.  Сè што сакате да пронајдете на Google+ можете благодарение на опциите кои ги нуди пребарувачот на Google, Chrome. Поконкретно во случајов станува збор за опцијата на Chrome која ви овозможува да си додадете ваши сопствени интернет пребарувања.

Во прилог имате појаснување како да го сторите тоа.

1. Во Chrome притиснете на иконата со клуч
2. Притиснете Preferences
3. Во делот Basics, притиснете на Manage Search Engines
4. Во првото поле, Add a new search engine, напишете што сакате
5. Во второто поле, Keyword, пишете збор со кој сакате да го повикате вашиот сопствен интернет пребарувач во URL лентата. Гледајте да бидат кратки. Како пример, за пребарување на Google+ профили нека стои profiles, а за пребарување на Google+ постови нека стои posts.
6. Во последното поле, URL with % in place of query, напишете го следното:  За пребарување на Google+ профили: {google:baseURL}search?q=%s&tbs=prfl:e ; За  пребарување на Google+ постови: {google:baseURL}search?q=site:plus.google.com inurl:posts/* %s
7. За да го зачувате ова подесување, на тастатурата само притиснете Enter.

Сега можете да го пребарувате Google+ од вашиот Chrome. Кога сакате да побарате нешто на Google+ само напишете го името на пребарувачот кој сакате да го користите, дали за постови или профили, и притiснете space. После можете да започнете со пребарување

(via ReadWriteWeb)