Apple, Google, Amazon и Facebook наскоро би можеле да плаќаат повисок данок во Европа. Европската Комисија излезе со предлог за данок од 3% со кој овие компании ќе треба да платат повисок данок.
Законот е во 2 чекори. Првиот предвидува компанијата да си плаќа данок за секоја продажба во државата каде е продажбата. Досега компаниите плаќаа данок во државата во која им е физичката локација.
Речиси половина, 9 од 20 највредни компании сега се „дигитални“. За споредба, пред 1 година беше единствено 1. Овие компании плаќаат само 50% данок во однос на данокот кој го плаќаат традиционалните компании, вели Reuters. Една од причините за ова е непостоење на физичко присуство во поголем дел држави.
Она што е карактеристично е дека законот ќе се однесува на големите компании. Стартапите и малите компании ќе бидат ослободени од оваа давачка. За компанијата да влезе во групата треба да има приходи на глобално ниво од над 750 милиони евра и над 50 милиони евра приходи во Европа.
Сепак за да биде донесен законот треба да го поддржат сите држави членки на Унијата. Изгледа речиси неверојатно држави како Ирска и Луксембург, кои имаат најниски даноци во Европа и поради тоа се даночен рај за компаниите, да го поддржат овој закон. Сепак, големите и влијателни членки како Германија и Франција притискаат за измени.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
