Поради преголемо зрачење Франција ја забрани продажбата на iPhone 12

Avatar img-thumbnail img-circle

во ИТ.ЕУ

Франција му забрани на Apple да продолжи со продажбата на iPhone 12. Причина за сопирањето на продажбите е емитирањето на преголемо електро-магнетно зрачење. Покрај забраната Apple треба и да ги поправи своите постоечки уреди. Зрачењето кај овие телефони не е во согласност со европските закони, вели Француската национална агенција за фреквенции.

„Што се однесува до веќе продадените телефони, Apple мора во најкраток рок да преземе корективни мерки за да ги усогласи зафатените телефони. Во спротивно, Apple ќе мора да ги повлече.“, се вели во соопштението на ANFR.

Француската национална агенција за фреквенции (ANFR-Accueil) објави дека тестовите на iPhone 12 покажале дека уредот емитира повеќе електромагнетни бранови кои се апсорбираат во телото отколку што е дозволенo. iPhone 12 емитира 5,74 W по килограм. Дозволеното зрачење во Европа e 4 W по килограм. Сепак за да биде телефонот опасност по здравјето на корисниците минималното зрачење е 40w/kg.

Тестовите за кои телефонот има преголемо зрачење треба да симулираат состојба во која уредот се држи во рака или е во џеб. За тестовите во кој се мери зрачењето на растојание од 5cm, iPhone 12 ги исполнува потребните барања од 2W/kg.

Забраната се чини доаѓа предоцна. Производителот со издавањето на новата серија на телефони iPhone 15, секако престанува со продажба на овие модели. Сепак забраната не е сосем безопасна за компанијата. Ако Apple не успее да го надмине проблемот во следните 15 дена, Франција би можела да побара компанијата да го повлече секој iPhone 12.

Промените кои ќе ги направи Apple не мора да се прават со адаптирање на хардверот. Доволна е надградба на софтверот за да се намали зрачењето вели Жан-Ноел Баро, министер за дигитална трансформација и телекомуникации во француската влада.

Со оглед на тоа дека максимално дозволеното зрачење од 4W по килограм важи за цела Европа, ова би можело да следи и во останатите  држави членки на Европската Унија. Веројатноста дека барањата на Франција ќе се прелеат во остатокот на Европа е прилично голема.

Засега нема одговор од Apple на француското барање.

Оваа недела Apple ги претстави новите iPhone 15 телефони. Поради законските одредби во Европа ова е првиот iPhone кој доаѓа со USB-C приклучок. Производителот ги направи потребните измени малку порано од крајниот рок. Од 2024 година користењето на USB-C е задолжително во Европа.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments

ит кариера

Matrix IT Global Services Macedonia

Software Developer

Digilink Konsalting

Java Script Developer

Matrix IT Global Services Macedonia

Marketing Strategist

види ги сите огласи на kariera.it.mk