По една година на iOS, Buy Me a Pie! e симната над 4 милиони пати. Сега популарната руска апликација за правење шопинг листи, доаѓа на Android во обид да го зголеми бројот на корисници. Иако на App Store и Google Play има куп слични конкуренти, Buy Me a Pie! е една од покомплетните и поубаво дизајнирани апликации на пазарот.
Со апликацијата може да правите шопинг листи кои ќе може да ги споделувате со пријателите на различни уреди, или, доколку ја имате платената верзија, да ја споделувате листата на облакот или преку имејл и SMS. Тоа што е интересно е што Buy Me a Pie! сака да ја направи апликацијата комплетно бесплатна, но, за тоа да се случи, основачот Олег Недерев вели дека првин мора да најде друг модел на заработка кој може да вклучува соработка со брендови или издавање на купони. Во моментов апликацијата активно ја користат 80.000 луѓе дневно, или 500.000 месечно.
[youtube]qRuOFBeJD-k[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
