Sans Forgetica е специјално дизајниран фонт за полесно помнење. Фонтот е креиран да биде потежок за читање, нешто што неговите креатори го нарекуваат „посакувана тежина“.
Со фонтот во самиот процес на читањето се додаваат потешкотии. Со ова се предизвикува подлабоко когнитивно процесирање на податоците, а тоа предизвикува подобро помнење.
Креатори на фонтот се дизајнери од RMIT универзитетот од Мелбурн, Австралија.
Стандардните фонтови се едноставни за читање. Често само брзо поминуваме преку текстот, а тоа не ни помага да запомниме. Наместо ова читањето на Sans Forgetica е предизвик за мозокот кој потоа полесно ги помни и останатите податоци.
Sans Forgetica е достапен како бесплатен фонт и како екстензија за Chrome. И фонтот и екстензијата се бесплатни.
