October 2018 Update верзијата на Microsoft Windows 10 веќе не е достапна за преземање, а Microsoft ги предупреди и корисниците кои веќе ја преземале надградбата да почекаат.
Причината за ова е што дел од корисниците кои ја инсталирале надградбата пријавуваат исчезнати фајлови. Бројот на овие корисници е ограничен, но сепак Microsoft сака да ги пронајде причините за проблемот.
Windows 10 October 2018 Update беше достапен од 2 октомври. Оперативниот систем веќе не е достапен, а Microsoft објави дека ќе има дополнително известување кога ќе ја вратат надградбата.
Корисниците кои ја имале „среќата“ први да го надградат оперативниот систем, јавуваат за проблеми со избришани документи; проблеми со драјверите; и проблеми со TaskManager.
Секако најголем проблем е што кај дел од корисниците е избришан „C:/Users/[username]/Documents/“ фолдерот, јави ZDNet.
Ако сте дел од „среќниците“ зафатени со надградбата користењето на Recuva софтверот за враќање на податоците е успешен кај дел од корисниците. За жал, не кај сите.
