Гледајќи го САД како технолошки водач во западниот свет, сигурно овие резултати ќе се одсликаат и во другите земји, и сигурно за многу брзо време ќе видиме дека Интернет како интерактивен и мобилен медиум е повеќе користен од пасивната телевизија.
Според истражувањето на Forrester растот од 120% од 2005 година на поминатото време онлајн се должи на поместување на постарите генерации кон Интернет. Сега американците меѓу 31 и 44 години се почесто (17 часа неделно) се на Веб, наместо пред телевизор (14 часа неделно). Исто така луѓето меѓу 45 и 54 години се повеќе се онлајн, околу 14 часа неделно.
Голем фактор за промената се и друштвените мрежи кои овозможија комуникација со куп луѓе одеднаш, како и споделување информации.
Секако, огромен удел во овој пресврт има токму веб видеото, само пред ден YouTube објави дека во 2010 година се прегледани 700 милијарди видеа, а кон ова придонесува и се попристапниот брз ширикопојасен интеренет, кој од друга страна станува основно право во Европа за која Forrester најави истражување следната година.