Пред нешто повеќе од година дена пишувавме за тоа како Game Mode може да ги намалува перформансите во игрите, наместо да ги подобрува. Kако најдобро решение, особено доколку приметивте проблеми, се советуваше целосно да се исклучи ваквиот режим преку избирање Settings, па Gaming, па Game Mode, и кликнување на опцијата off.
Овој совет и понатаму држи вода, барем до следното надополнување за Windows кое, според Microsoft, би требало да ги исправи сите проблеми предизвикани од Game Mode. Одредени корисници веќе го слават крајот на ваквите главоболки, објаснувајќи дека работите се подобри по последното надополнување од пред недела дена. За сите останати, Microsoft вели дека проблемот е открие и наскоро ќе биде отстранет.
Во меѓувреме, се препорачува и да се избере High Performance, а да не се оди со Balance планот. Преку Start напишете Power, изберете Power & Sleep Settings, па Additional Power Settings преку ново-отворениот прозорец.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
