Повлекувањата на неколку големи компании кои ја поддржаа крипто-валутата на Facebook – Libra не ги поколеба поддржувачите. Во последен момент од асоцијацијата се повлекоа Booking Holdings Inc, Kayak.com и Priceline.com. Со ова четвртина од основачите веќе ја напуштија асоцијацијата, но Facebook и преостанатите партнери и формално ги ратификуваа документите за основање во Женева.
„Libra Association“ најави дека и покрај бавниот старт над 1 500 организации веќе изразиле интерес за учество. Од овие 1 500 организации 180 би можеле наскоро да побараат учество во асоцијацијата.
Преостанатите 21 членки го одбраа и бордот на директори. Од Facebook доаѓа Давид Маркус, покрај него ќе учествуваат членови од Andreessen Horowitz, Xapo, PayU и Kiva, пренесе ArsTechnica.
Со повлекувањата на Mastercard и Visa, Libra остана без глобален платежен сервис, иако на листата остануваат големи компании како Uber, Lyft или Vodafone. PayU е единствениот традиционален платежен сервис кој остана до официјалниот старт.
Условите за членство зависат од големината на организациите, но во проценката се разгледуваат вредноста на компанијата, финансиските депозити и годишен буџет. Првите членки на асоцијацијата ќе инвестираат по 10 милиони долари за развој на Libra.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
