NASA објави 5 нови слики со висока резолуција од телескопот James Webb. Првата слика оваа недела ја објави претседателот на САД. Инфрацрвената фотографија која беше претставена во јавноста е најдлабоката и најостра досега.
Сега веќе има галерија во која може да уживаат љубителите на астрономијата.
„Сè уште ништо не сте виделе“, рече Грегори Робинсон во најавата на новите фотографии. Веројатно ништо не можеше да нè подготви за она што се гледа на сликите. Она што е и поимпресивно е дека сликите се направени за само 5 дена.
Малку бројки
James Webb Space Telescope (JWST) е најголемиот телескоп во вселената. Конструиран е примарно за инфрацрвена астрономија. NASA го испрати во вселената во декември 2021, како замена за Hubble. Телескопот го доби името по Џејмс Веб кој беше администратор на NASA за време на Mercury, Gemini и Apollo програмите. На 11 јули оваа година беа претставени, првите слики од JWST.Огледалото на James Webb Space Telescope е со дијаметар 6,5-метри, изработено од берилиум покриен со тенок слој злато. Составено е од 18 одделни шестoаголни огледала. Целата рефлективна површина е 25m2. Телескопот може да детектира објекти кои се 100 пати побледи отколку што тоа можеше да го направи Hubble.
JWST може да пронајде објекти до 180 милиони години космичко време по големиот прасок.
Ова се само дел од сликите кои ги сподели NASA. Целата галерија може да ја погледнете на страницата на James Webb Space Telescope.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
