Сите оние кои повеќе сакаат да го користат Bing отколку Google, сега ќе можат да се израдуваат на нaдградената Bing for Mobile Browser верзија на прелистувачот на Microsoft. Со новото освежување мобилниот пребарувач сега работи побрзо, полесен е за користење и е подруштвен.
Bing на почетокот од оваа година претстави интеграција со Facebook која им овозможи на корисниците да видат дали некои од резултатите при пребарување се „лајкнати“ од нивните Facebook пријатели. Како што можете да заклучите, истата оваа опција сега е достапна и за мобилната верзија на Bing. Под секој резултат од пребарување ќе можат да се видат фотографии од тројца пријатели кои го имаат „лајкнато“ тој резултат. За да го интегрирате Bing со Facebook, сè што треба да направите е да се упатите во опцијата Settings на мобилниот пребарувач.
Мобилната верзија на Bing исто така е збогатена и со видеа, така што милиони видеа од различни веб сајтови како што се Hulu, MSN, и YouTube сега се овозможени да се гледаат на мобилни. Интересно е и тоа што Bing for Mobile Browse сега има посебни јазичиња за спортски веб сајтови како што се NBA и NHL. Доколку сакате да го испробате новиот Bing за мобилно пребарување, посетете го официјалниот сајт http://m.bing.com/.
